દ્રાક્ષ એક એવું ફળ છે જેને દરેક વ્યક્તિ ખાવાનું પસંદ કરે છે પરંતુ શું તમે ક્યારે લાલ દ્રાક્ષ વિશે સાંભળ્યું છે? જો ના, તો આજના આ લેખમાં અમે તમને લાલ દ્રાક્ષનું સેવન કરવાથી થતા ફાયદા વિશે માહિતી આપવા જઈ રહ્યા છીએ.
તમને જણાવી દઈએ કે લાલ દ્રાક્ષ નો ઉપયોગ રેડ વાઇન બનાવવા સિવાય ઘણા સ્વાસ્થ્ય લાભ આપવા માટે પણ થાય છે. લાલ દ્રાક્ષમાં વિટામીન એ, સી, બી, કે સાથે સાથે પોટેશિયમ, કેલ્શિયમ અને એન્ટીઓક્સીડેન્ટ ગુણો ભરપૂર માત્રામાં મળી આવે છે.
લીલી દ્રાક્ષની તુલનામાં લાલ દ્રાક્ષમાં બહુ ઓછી કેલેરી હોય છે. તમને જણાવી દઈએ કે સમગ્ર વિશ્વમાં લાલ દ્રાક્ષ ની 200થી વધારે જાતો મળી આવે છે. જો કે તેનો સૌથી વધારે ઉપયોગ રેડ વાઈન, જેલી અને રસ બનાવવા માટે થાય છે.
પંરતુ આજના આ લેખમાં અમે તમને લાલ દ્રાક્ષનું સેવન કેવી રીતે કરવું જોઈએ અને તેનાથી કઈ બીમારીઓ દૂર કરી શકાય છે તેના વિશે વાત કરવા જઈ રહ્યા છીએ.
લાલ દ્રાક્ષ એન્ટીઓક્સિડેન્ટ ગુણો મળી આવે છે, જે આપણા સ્વાસ્થ્ય માટે ઘણી રીતે લાભદાયી છે. જો તમને હૃદય સંબંધી સમસ્યાઓનો સામનો કરવો પડી રહ્યો છે તો તમારે લાલ દ્રાક્ષનો અવશ્ય ઉપયોગ કરવો જોઈએ.
તેના સેવન માત્રથી ખરાબ કોલેસ્ટ્રોલ શરીરમાંથી દૂર થઈ જાય છે અને હૃદયરોગનો ખતરો પણ રહેતો નથી. જે લોકો ડાયાબિટિસની સમસ્યાનો સામનો કરી રહ્યા છે તેવા લોકો માટે લાલ દ્રાક્ષનું સેવન ફાયદાકારક સાબિત થઈ શકે છે.
લાલ દ્રાક્ષ શરીરમાંથી ઈન્સ્યુલિનના લેવલને નિયંત્રણમાં રાખવામાં મદદ કરે છે. જે લોકો દરરોજ ડાયાબિટીસની દવાઓ નો ઉપયોગ કરે છે તેવા લોકોએ લાલ દ્રાક્ષ નું અવશ્ય સેવન કરવું જોઈએ.
જો તમે વજન વધારાને કારણે પરેશાન થઈ ગયા છો તો તમારે લાલ દ્રાક્ષ નું સેવન કરવું ફાયદાકારક સાબિત થઈ શકે છે. લાલ દ્રાક્ષમાં મળી આવતા તત્વો તમને વજન વધારાની સમસ્યા સામે લડવામાં મદદ કરે છે.
આ સાથે શરીરમાં રહેલા ખરાબ બેક્ટેરિયા પણ બહાર આવી જાય છે. આપણા શરીર માટે પોટેશિયમ ખૂબ જ ઉપયોગી છે. શરીરમાં પોટેશિયમની કમી થાય તો હાઇબ્લડપ્રેશર જેવી સમસ્યાઓનો સામનો કરવો પડે છે.
જોકે લાલ દ્રાક્ષમાં પુષ્કળ પ્રમાણમાં પોટેશિયમ હોય છે, જે બ્લડપ્રેશરને કંટ્રોલ કરવામાં મદદ કરે છે. લાલ દ્રાક્ષનું સેવન માનસિક રીતે પણ ફાયદાકારક સાબિત થઈ શકે છે.
જેના સેવનથી અલ્ઝાઈમર રોગ કાબૂમાં આવી જાય છે અને વૈજ્ઞાનિકો અનુસાર જે લોકો લાલ દ્રાક્ષ નું સેવન કરે છે તેમને મેમરી લોસ થવાનો ભય પણ ઓછો થઈ જાય છે.
કેન્સર જેવી ભયંકર બીમારી ને ઠીક કરવા માટે પણ લાલ દ્રાક્ષ મદદ કરી શકે છે. એક પ્રયોગશાળામાં પશુઓ ઉપર કરવામાં આવેલા પરીક્ષણ અનુસાર દ્રાક્ષમાં એવા તત્વો મળી આવે છે, જે કેન્સરના વિકાસને ધીમા કરે છે. જેનાથી શરીરમાં કેન્સર આગળ વધી શકતું નથી.
તમે આંખો ની સમસ્યાઓ માટે પણ લાલ દ્રાક્ષ નો ઉપયોગ કરી શકો છો. લાલ દ્રાક્ષમાં એન્ટિઓક્સિડન્ટ ગુણ મળી આવે છે, જે તમને આંખોની સમસ્યાઓથી બચાવે છે.
લાલ દ્રાક્ષમાં વિટામિન ઈ, વિટામિન સી અને એન્ટીઓક્સીડેન્ટ તત્વ મળી આવે છે જે વૃદ્ધાવસ્થાની સમસ્યાને નિયંત્રિત કરે છે. આ સાથે તેમાં મળી આવતા એન્ટિઓક્સિડન્ટ તત્વો ત્વચાનાં સ્વાસ્થ્ય માટે પણ રામબાણ માનવામાં આવે છે.
લાલ દ્રાક્ષ મા ફાઇબર પુષ્કળ પ્રમાણમાં મળી આવે છે, જેનાથી તમને પેટના રોગો, ઝાડા ની સમસ્યા, કબજિયાતની સમસ્યા થતી નથી. જે મહિલાઓ ગર્ભવતી છે તેવી મહિલાઓને ડોક્ટરો દ્વારા લાલ દ્રાક્ષ ખાવાની સલાહ આપવામાં આવે છે.
