સામાન્ય રીતે મોટાભાગના ભારતીય ઘરોમાં કોફીનો ઉપયોગ કરવામાં આવતો હોય છે. કોફી મોટાભાગના લોકોને એટલી હદે પસંદ હોય છે કે તેઓ તેના વગર રહી શકતા નથી. આપણે અત્યાર સુધી કોફી ના ફાયદા અને ગેરફાયદા વિશે સાંભળ્યું હશે.
જોકે તમારે ધ્યાનમાં રાખવું જોઈએ કે કોફી પોવાને લાભને લીધે એક ઓક્ટોબરના રોજ રાષ્ટ્રીય કોફી દિવસ તરીકે ઉજવવામાં આવે છે. જેનાથી લોકો કોફીના ઉત્પાદનોથી પ્રોત્સાહિત થઇ શકે.
તમે કોફી ના સ્વાદથી તો સારી રીતે વાકેફ હશો પરંતુ આજના આ લેખમાં અમે તમને કોફીનું સેવન કરવાથી થતા ફાયદાઓ વિષે માહિતગાર કરવા જઈ રહ્યા છીએ. હકીકતમાં કોફીનું સેવન કરવાથી તમને ઘણા પૌષ્ટિક તત્વો મળી રહે છે.
જેનાથી તમને ઘણી બીમારીઓથી છુટકારો મળી શકે છે તો ચાલો આપણે જાણીએ કે કોફીનું સેવન કરવાથી કયા કયા રોગોને દુર કરી શકાય છે. જે લોકો દિવસ-રાત તનતોડ મહેનત કરે છે, તેમને પુષ્કળ પ્રમાણમાં ઉર્જાની જરૂર હોય છે.
જો આવા લોકો કોફીનું સેવન કરે છે તો તેમને તેમના શરીરમાં ઊર્જા જળવાઈ રહે છે. હકીકતમાં કોફી એનર્જી ડ્રીંક તરીકે કાર્ય કરે છે. કોફીમાં મળી આવતું કેફીન ફેટી એસિડમાં રૂપાંતર પામે છે અને તમને પુષ્કળ ઊર્જા પ્રદાન કરે છે.
તમને જાણીને આશ્ચર્ય થશે કે જે લોકો ડાયાબિટીસ એટલે કે બ્લડ સુગરની બીમારીનો સામનો કરી રહ્યા છે, તેવા લોકો માટે પણ કોફી દવાની જેમ કામ કરે છે.
જોકે યાદ રાખો કે તમારે કોફી બનાવતી વખતે તેમાં સુગર ઉમેરવી જોઈએ નહીં. નિષ્ણાતો જણાવે છે કે કોફીનું સેવન કરવાથી 50 ટકા જેટલી બ્લડ સુગર ની સમસ્યા દૂર થાય છે. આ સાથે કોફી ટાઇપ 2 ડાયાબિટીસથી પણ રાહત આપે છે.
લીવર સંબંધી સમસ્યાઓ માટે પણ કોફી રામબાણ સાબિત થઇ શકે છે. કોફીનું સેવન કરવાથી લીવરના રોગો થવાનો ભય એકદમ ઓછો થઈ જાય છે.
જો તમે દિવસમાં 2 થી 3 કપ કોફીનું સેવન કરો છો તો તમને ઇન્ફેક્શનની સમસ્યા પણ થતી નથી. જોકે યાદ રાખો કે તમારી કોફીની હંમેશા ગરમાગરમ પીવી જોઈએ જો તે ઠંડી થઈ જાય ત્યારબાદ તેને પીવામાં આવે તો નુકસાન થાય છે.
અસ્થમાથી પીડિત લોકો માટે પણ કોફી દવાની જેમ કામ કરે છે. હકીકતમાં કોફીમાં મળી આવતું કેફીન શ્વાસની બીમારી ધરાવતા લોકોને મદદ કરે છે અને અસ્થામાથી રાહત થાય છે.
જે લોકો હૃદય સંબંધી બીમારીઓનો સામનો કરે છે તેમના માટે પણ કોફી ફાયદાકારક સાબિત થઈ શકે છે. હકીકતમાં કોફીમાં મળી આવતું કેફીન શરીરમાંથી ખરાબ કોલેસ્ટ્રોલ દૂર કરે છે અને હાર્ટએટેક અને સ્ટ્રોક ની સમસ્યાથી છુટકારો અપાવે છે.
જો તમે દિવસમાં 2 થી 3 કપ કોફીનું સેવન કરો છો તો તમને તેનો અવશ્ય ફરક જોવા મળી જાય છે. આજના સમયમાં તણાવ, હતાશા, ચિંતા વગેરે સામાન્ય થઈ ગઈ છે.
પરંતુ જો તમે કોફીનું સેવન કરો છો તો તમારો મૂડ સુધરે છે અને તમને ડિપ્રેશનની સમસ્યાનો સામનો કરવો પડતો નથી. આ સાથે જો તમે નબળાઈનો અનુભવ કરી રહ્યા હોય તો પણ તમે કોફી નો ઉપયોગ કરી શકો છો.
