દોસ્તો તમે બધા જાણતા જ હશો કે શરીરને સ્વસ્થ રાખવા માટે ફળોનું સેવન કરવું જોઈએ. આજ ક્રમમાં કીવી એક એવું ફળ છે, જે સ્વાસ્થ્ય માટે ખૂબ જ ફાયદાકારક માનવામાં આવે છે. જો કે એવું પણ છે કે મોટાભાગના લોકો કીવી ફળ વિશે જાણતા નથી. કારણ કે તે બજારોમાં આસાનીથી મળી આવતું નથી. તમને જણાવી દઈએ કે કીવીનું ઉત્પાદન મુખ્યત્વે ચીનમાં થાય છે અને ભારતમાં માત્ર અમુક વિસ્તારોમાં જ તેની ખેતી થાય છે.
કીવીમાં વિટામિન સી, વિટામિન ઈ, ફાઈબર, પોટેશિયમ, સોડિયમ અને ઘણા પોષક તત્વો મળી આવે છે. જે તમને સ્વાસ્થ્યવર્ધક લાભ આપે છે. આવી સ્થિતિમાં આજના આ લેખમાં અમે તમને કિવિના ફળના ફાયદાઓ વિશે વાત કરવા જઈ રહ્યા છીએ.
કીવીમાં ફાઈબરની માત્રા વધુ હોય છે, જેના કારણે ખોરાક સારી રીતે પચી જાય છે. તે કબજિયાત માટે પણ ફાયદાકારક છે. વળી કબજિયાતની સમસ્યા હોય તો કિવીનું સેવન કરવું જોઈએ, તેના કારણે કબજિયાતની સમસ્યા દૂર થઈ જાય છે.
કિવી રોગપ્રતિકારક શક્તિને મજબૂત કરવામાં મદદરૂપ છે. તેમાં ઘણા બધા એન્ટી-ઓક્સીડેન્ટ હોય છે, જે શરીરને ફ્રી રેડિકલની હાનિકારક અસરોથી બચાવે છે. વળી કીવી ખાવાથી રોગપ્રતિકારક શક્તિ વધે છે. તેમાં વિટામિન સી, ફાઈબર, પોલીફેનોલ્સ મળી આવે છે, જે રોગપ્રતિકારક શક્તિને મજબૂત બનાવે છે. આ સિવાય કીવી ખાવાથી બીમારીઓ થવાનો ડર ઓછો રહે છે.
દરરોજ કીવીનું સેવન કરવાથી આંખો સ્વસ્થ અને તેજ બને છે. કીવીમાં લ્યુટીન અને ઝેક્સાન્થિન હોય છે, જે આંખો માટે ફાયદાકારક છે. કીવી આંખોને કોઈપણ પ્રકારના ઈન્ફેક્શનથી બચાવે છે. કીવી વધતી ઉંમર સાથે થતા અંધત્વને દૂર કરે છે અને આંખોની દૃષ્ટિને તેજ કરવામાં પણ મદદરૂપ છે.
કીવી ના સેવનથી બ્લડપ્રેશર નિયંત્રિત રહે છે. કીવી ખાવાથી હાઈ બ્લડ પ્રેશરની સમસ્યા દૂર થાય છે. વળી અઠવાડિયામાં ત્રણ વખત કીવી ખાવાથી બ્લડ પ્રેશર ઘટાડવામાં મદદ મળે છે. જેના કારણે હાર્ટ એટેકનો ખતરો ઓછો થઈ જાય છે એટલા માટે આપણે દરરોજ નહિ તો અઠવાડિયામાં ત્રણ વખત કીવી ખાવી જોઈએ.
કીવી ખાવાથી માત્ર શરીર જ સ્વસ્થ રહેતું નથી પણ ત્વચા સ્વચ્છ અને ચમકદાર બને છે. તેમાં એન્ટી-ઓક્સીડેન્ટ ગુણ હોય છે, જે કરચલીઓ દૂર કરે છે. વળી કિવી ત્વચાને સૂર્યના હાનિકારક કિરણો અને પ્રદૂષણથી બચાવે છે. તે ત્વચાને સ્વચ્છ, કોમળ, સુંદર અને ચમકદાર બનાવે છે.
કીવીમાં વિટામિન અને પોષક તત્વો હોય છે, જે રોગપ્રતિકારક શક્તિને મજબૂત બનાવે છે. વળી તે ગર્ભાવસ્થા દરમિયાન ગર્ભના વિકાસમાં મહત્વપૂર્ણ ભૂમિકા ભજવે છે. કીવી બાળકના મહત્વપૂર્ણ અંગો જેમ કે આંખો, ત્વચા, શક્તિ, મગજ વગેરેના વિકાસમાં મદદરૂપ થાય છે.
