દોસ્તો સામાન્ય રીતે ગળામાં દુખાવો થવાથી ગળાની અંદર વિવિધ સમસ્યાઓ થતી હોય છે. જેના પૈકી સૂકી ઉધરસ સૌથી વધારે હેરાન કરે છે અને ક્યારેક આ ઉધરસ એટલી વધી જાય છે કે આંખોમાંથી આંસુ પણ આવી જાય છે. કોરોના વાયરસના સમય દરમિયાન ગળામાં દુખાવો એ સૌથી મોટું લક્ષણ અથવા કારણ છે, જેને ગંભીર સમસ્યા તરીકે પણ જોઈ શકાય છે.
ગળામાં દુખાવો થવાને કારણે બોલવામાં પણ તકલીફ પડે છે. ગળામાં ખરાશ થવાના ઘણા કારણો હોઈ શકે છે. ગળાના દુખાવા માટે તબીબી સારવારની સાથે સાથે ઘણા ઘરગથ્થુ કે આયુર્વેદિક ઉપાયો છે, જેનો ઉપયોગ ગળાના દુખાવાથી છુટકારો મેળવવા માટે કરી શકાય છે.
મધ ગળાના દુખાવાની સારવારમાં ફાયદાકારક છે. મધની તાસિર ગરમ હોય છે અને ઘણા પોષક તત્વોથી સમૃદ્ધ છે. ગળામાં ખરાશ થાય ત્યારે સમયાંતરે મધ ચાટવાથી શરદીના લીધે થતા દુખાવાથી છુટકારો મળે છે.
ગળાના દુખાવામાં રાહત મેળવવા માટે મધ અને આદુનો ઉપયોગ કરી શકાય છે. આ માટે આદુને ગરમ કર્યા બાદ તેમાં મધ ઉમેરીને ખાવું જોઈએ, તેનાથી ગળાની ખરાશ મટે છે. આ સિવાય આદુનો રસ લઈને તેમાં થોડું મધ ઉમેરીને પીવાથી પણ ગળાની ખરાશ મટે છે.
ગળાના દુખાવાને દૂર કરવા માટે લીંબુ અને મધનો ઉપયોગ કરી શકાય છે. ગળું આપણા શરીરનો એક અત્યંત સંવેદનશીલ અંગ છે, જે પેટ અને મોંની તમામ ક્રિયાઓથી પ્રભાવિત થાય છે. જોકે ગળામાં ખરાશ that ત્યારે લીંબુના રસમાં મધ ભેળવીને પીવાથી ગળાની ખરાશ મટે છે.
ગળાની ખરાશ દૂર કરવા માટે તુલસી ફાયદાકારક છે. તુલસીના 3 થી 4 પાન ચાવવાથી ગળાની ખરાશથી છુટકારો મળે છે. આ સિવાય દરરોજ તુલસીની ચા પીવાથી ઉધરસને કારણે થતી ગળાની ખરાશ પણ મટે છે.
ગળાના દુખાવાથી પીડાતા લોકો માટે કાળા મરી ફાયદાકારક છે. કાળા મરીના પાવડરને મધમાં મિક્સ કરીને ચાટવાથી ગળાના દુખાવામાં રાહત મળે છે. કાળા મરીમાંથી બનાવેલ સૂપ અથવા ચા પીવાથી ગળામાં દુખાવો મટે છે. આ સિવાય લવિંગને મોંમાં નાખવાથી પણ ગળાની ખરાશ દૂર થાય છે.
મીઠાના કોગળા કરવાથી ગળાના દુખાવામાં રાહત મળે છે. હા, હૂંફાળા પાણીમાં મીઠું ઉમેરીને નિયમિતપણે કોગળા કરવાથી ગળાના દુખાવામાં રાહત મળે છે. આ સાથે તે શરદીને કારણે થતા દુખાવાને દૂર કરવામાં મદદરૂપ થાય છે.
ગળાના દુખાવાની સારવાર માટે વિનેગરનો પણ ઉપયોગ કરી શકાય છે. આ માટે હુંફાળા પાણીમાં થોડોક સરકો ઉમેરીને કોગળા કરવાથી ગળાના દુખાવાને દૂર કરી શકાય છે. આ સિવાય ગુલાબજળમાં ધાણા પાવડર મિક્સ કરીને ગળા પર લગાવવાથી ગળાની ખરાશથી છુટકારો મળે છે.
