દોસ્તો સામાન્ય રીતે ભારતીય ભોજનમાં તજનો અવશ્ય ઉપયોગ કરવામાં આવે છે. જે ભોજનનો સ્વાદ સુધારવામાં ખૂબ જ મદદ કરે છે. જ્યારે આપણે ચપટી ભરીને તજનો પાવડર ભોજનમાં ઉમેરીએ છીએ
ત્યારે ભોજનનો સ્વાદ અનેક ગણો વધી જતો હોય છે પરંતુ શું તમે જાણો છો કે ભોજનનો સ્વાદ વધારવા માટે વાપરવામાં આવતા તજના પાવડરનો ઉપયોગ કરીને તમે સ્વાસ્થ્ય સાથે જોડાયેલી બીમારીઓથી પણ છુટકારો મેળવી શકો છો.
હકીકતમાં દરરોજ અડધી ચમચી તજના પાવડર નું સેવન કરવામાં આવે તો આપણા શરીરના મેટાબોલિઝમ લેવલમાં વધારો થાય છે અને આપણે આસાનીથી વજન ઘટાડી શકીએ છીએ. આ સિવાય પણ તજના પાવડરનું સેવન કરીને ઘણા ફાયદાઓ મેળવી શકો છો. જેના વિશે આજે અમે તમને જણાવવા જઈ રહ્યા છીએ
તમે ધ્યાન આપ્યું હોય તો જ્યારે ઘરના વૃદ્ધ લોકો કોઈ શારીરિક ક્રિયા કરવા જાય છે ત્યારે તેમને સાંધાના દુખાવાની સમસ્યા થતી હોય છે. જો તમારા ઘરમાં પણ આવા લોકો છે તો તેવા લોકોને હળવા પાણીમાં મધ અને તજના પાવડરને મિક્સ કરીને અસરગ્રસ્ત જગ્યાએ લગાવવા માટે આપી દેવું જોઈએ. આ ઉપાય કરવાથી સાંધાના દુખાવામાં તરત જ આરામ મળશે.
જો તમારી પેટની ચરબી વધી ગઈ છે અને તમે જાડાપણાની સમસ્યાને લીધે પરેશાન થઈ ગયા છો તો તમારે તજના પાવડરનો ઉપયોગ કરવો જોઈએ. આ માટે દરરોજ એક ગ્લાસ હૂંફાળા પાણીમાં એકાદ ચમચી તજ પાઉડર ઉમેરીને સેવન કરવાનું શરૂ કરવું જોઈએ. આ ઉપાય કરવાથી મોટાપોની સમસ્યાથી તમને રાહત મળશે.
જ્યારે આપણા શરીરમાં ઇન્સ્યુલિનનો સ્ત્રાવ થતો અટકી જાય છે ત્યારે ડાયાબિટીસનો રોગ પેદા થાય છે પરંતુ તજનું સેવન કરવાથી ઇન્સ્યુલિન લેવલમાં હંમેશા વધારો થતો રહે છે અને ડાયાબીટીસ ની સમસ્યાનો સામનો કરવો પડતો નથી.
જ્યારે આપણા ફેફસાની અંદર સોજો આવી જાય છે ત્યારે આપણને શ્વાસ લેવામાં તકલીફ થતી હોય છે અને ઘણી વખત તો છાતીમાં બળતરા જેવી સમસ્યાઓ પણ ઉદભવે છે. જો તમે આ સમસ્યાથી બચવા માંગો છો તો તમારે તજનો ઉપયોગ કરવો જોઈએ. કારણ કે તે શ્વસનમાર્ગમાં આવી રહેલા અવરોધને દૂર કરીને શ્વાસનળીને સ્વચ્છ બનાવે છે.
જો તમને દાંત નો દુખાવો થઈ રહ્યો છે અથવા દાંત સડી ગયા છે તો પણ તમે તજના તેલનો ઉપયોગ કરી શકો છો. હકીકતમાં તજના તેલના બેથી ત્રણ ટીપાં લઈને અસરગ્રસ્ત જગ્યાએ લગાવવામાં આવે તો દાંત નો સડો થતો અટકી જાય છે સાથે સાથે દુખાવાથી પણ રાહત મળે છે.
તમે ધ્યાન આપ્યું હોય તો ઘણા લોકોને દિવસ દરમિયાન થાક અને આળસ નો સામનો કરવો પડતો હોય છે અને રાત્રે જાતીય સંબંધ દરમિયાન પણ તેઓને થાક લાગી જાય છે. જો તમે પણ આવા લોકો માંથી એક છો તો,
તમારે સવારે અને સાંજે અડધી ચમચી તજ પાવડર નું સેવન દૂધ સાથે મિક્સ કરીને કરવું જોઈએ. જેનાથી તમારા શરીરમાં સ્ફૂર્તિ આવી જશે અને તમે સારું કામ કરી શકશો.
તમને જાણીને આશ્ચર્ય થશે કે તજ પાવડર શરદી-ઉધરસ અને ગળામાં થઈ રહેલા કફની સમસ્યાને દૂર કરવા માટે પણ કામ કરે છે. આ માટે તમારે તજના પાવડરને મધ સાથે મિક્સ ગરમ પાણી સાથે કરીને સેવન કરવાનું શરૂ કરવું જોઈએ. આ ઉપાય કરવાથી શરદી ઉધરસમાં રાહત મળે જ છે સાથે સાથે ગળામાં જામી ગયેલો કફ પણ બહાર આવી જાય છે.
તજ અને મધ બંને હૃદય માટે ગુણકારી માનવામાં આવે છે જેના સેવન માત્રથી આપણા શરીરમાંથી કોલેસ્ટ્રોલ ના સંચય નો અટકાવ થાય છે અને સારા કોલેસ્ટ્રોલમાં વધારો થાય છે. તમારે હૃદયરોગથી બચવા માટે મધ સાથે તજ પાવડર નો ઉપયોગ કરવો જોઈએ. વળી તમે તજ અને મધના મિશ્રણ ને રોટલી સાથે પણ ખાઈ શકો છો.
