આપણું શરીર સ્વસ્થ રહે તેના માટે ખોરાકની જેટલી જરૂર હોય છે એટલે જ વધારે જરૂર પાણીની પણ હોય છે. પાણીનું સેવન કરવાથી શરીરમાં ઊર્જા જળવાઈ રહે છે અને થાક લાગતો નથી. આ જ કારણ છે કે દિવસ દરમિયાન ૧૦ ગ્લાસ પાણી પીવું જોઇએ.
પૂરતા પ્રમાણમાં પાણી પીવાથી શરીરમાંથી ઝેરી તત્વો પેશાબ માર્ગે બહાર નિકળી જાય છે. પરંતુ આજની વ્યસ્ત જીવનશૈલીને કારણે લોકો પાણી સંબંધિત તકેદારી રાખતા નથી અને પરિણામે શરીરમાં પેટ સંબંધિત રોગ ઘર કરી જાય છે. પેટની તકલીફ આજે દરેક ઘરમાં જોવા મળે છે.
ત્યારે આ તકલીફને અને પેટના દરેક પ્રકારના રોગને દૂર કરવાનો એક ઘરગથ્થુ ઉપચાર આજે જણાવીએ. આ ઉપચાર એકદમ સરળ છે. પેટની હોજરી સંબંધિત બધા જ રોગને દૂર કરવા માટે તમારે એક જ કામ કરવાનું છે.
તમારી રોજ સવારે તાંબાના વાસણમાં ભરેલું પાણી પીવાનું છે. તાંબાના વાસણમાં રાખેલું પાણી સવારે પીવાથી શરીરમાં ઊર્જા જળવાઈ રહે છે. આથી જ આ પાણીમાં તાંબાના વાસણ ના તત્વો પણ આવી જાય છે જે શરીરના હાનિકારક દ્રવ્યોને બહાર કાઢે છે.
જો તમે રોજ સવારે તાંબાના વાસણમાં રાખેલું પાણી પીવાની શરૂઆત કરશો તો સંબંધિત બીમારીઓથી પણ મુક્તિ મેળવશો. આ પાણી પીવાનો બીજો ફાયદો એ છે કે તમારો સ્ટ્રેસ પણ દૂર થવા લાગશે.
સવારના સમયે તાંબાના વાસણમાં રાખેલું પાણી પીવાથી મૂડ આખો દિવસ ફ્રેશ રહે છે. આ પાણી સવારે પીવાથી શરીરમાંથી ઝેરી તત્વો બહાર નીકળી જાય છે. જેના કારણે ત્વચા પરના ખીલ, ડાઘ, કરચલીઓ દૂર થવા લાગે છે.
ઘણા લોકોની નાની ઉંમરમાં જ ચિંતાના કારણે ચહેરા પર ઉંમરની અસર દેખાવા લાગે છે પરંતુ જે લોકો તાંબાના વાસણમાં રાખેલું પાણી રોજ સવારે પીએ છે તેની ત્વચા ઉપર ઉંમરની અસર દેખાતી નથી.
જે લોકો ફટાફટ પોતાનું વજન ઘટાડવા માંગે છે તેમણે પણ રોજ સવારે તાંબાના વાસણમાં રાખેલું પાણી પીવું જોઈએ. આ પાણી પીવાથી શરીરની ચરબી ઓગળવા લાગે છે. જેના કારણે વજન સરળતાથી ઘટી જાય છે.
રોજ સવારે તાંબાના વાસણમાં રાખેલું પાણી પી લેવાથી પેટ બરાબર સાફ આવે છે અને પેટ સંબંધિત કોઈપણ રોગ થતો નથી.
