આપણા શરીરનું સૌથી મહત્વનું અંગ આપણું મગજ છે. વિચારવાની સમજવાની ક્ષમતાની સાથે દરેક શારીરિક ગતિવિધિ મગજ પર આધારિત છે. જો મગજ બરાબર કામ કરતું ન હોય તો શરીરના કોઈ અંગ બરાબર કામ કરી શકતા નથી. કારણ કે મગજ શરીરના દરેક અંગને કાર્ય કરવાનું સિગ્નલ આપે છે.
તાજેતરમાં જ થયેલા એક રિસર્ચમાં જાણવા મળ્યું છે કે એક નાની વાટકી કરમદા ખાવાથી મગજ તેજ થાય છે અને સાથે જ શરીરમાંથી બેડ કોલેસ્ટ્રોલનું પ્રમાણ ઘટે છે. કરમદા અનેક ઔષધીય અને પોષક તત્વોથી ભરપૂર હોય છે. કરમદાથી થતા લાભ વિશે જાણવા માટે કેટલાક ઉપર રિસર્ચ કરવામાં આવી હતી.
જેમાં 12 અઠવાડિયા પછી જાણવા મળ્યું કે જે લોકોએ કરમદાનું સેવન કર્યું તેમનું મગજ વધારે તેજ થયું અને કોલેસ્ટ્રોલ માં નવ ટકા ઘટાડો થયો. કરમદાનું સેવન કરવાથી આ લોકોના મગજમાં લોહીનો પ્રવાહ બરાબર રીતે થયો અને જેના કારણે મગજનું સ્વાસ્થ્ય સુધર્યું.
ડોક્ટરોના મત અનુસાર કરમદાનું રસ પીવાને બદલે કાચા કરમદા ખાવાથી વધારે લાભ થાય છે. તેનો સ્વાદ તીખો અને કડવો હોય છે. સ્વાદ ભાવે એવો ન હોવા છતાં આ વસ્તુ શરીરને ખૂબ લાભ કરે છે.
જે લોકો પર રિસર્ચ કરવામાં આવ્યું હતું તેમને 12 અઠવાડિયા સુધી કરમદાનો પાઉડર આપવામાં આવ્યો હતો. બાર સપ્તાહ પછી જ્યારે પરિણામ જોવામાં આવ્યું ત્યારે જાણવા મળ્યું કે જે લોકોએ કરમદા નો પાવડર ખાધો હતો તેમની યાદશક્તિ માં ઘણો સુધારો થયો હતો. સાથે જ તેમના મગજના મહત્વપૂર્ણ ભાગમાં વધારે સારી રીતે રક્ત પ્રવાહ થવા લાગ્યો હતો.
સાથે જ જે લોકો એ કરમદા લીધા હતા તેમના શરીરમાંથી ખરાબ કોલેસ્ટ્રોલનું સ્તર પણ ઘટેલું જોવા મળ્યું. આ રિસર્ચ ની સૌથી સારી બાબત એ હતી કે 12 અઠવાડિયામાં કરમદાનું સેવન કરવાથી લોકોનો મેમરી પાવર વધ્યો અને ન્યુરલ ફંકશન માં સુધારો જોવા મળ્યો.
આ અભ્યાસ અનુસાર રોજ કરમદા ખાવાથી હૃદયનું સ્વાસ્થ્ય પણ સારું રહે છે. જે લોકોએ રોજ સો ગ્રામ કરમદાનું સેવન કર્યું હતું તેમના હૃદયની ક્ષમતા પણ એક મહિના પછી સુધરવા લાગી. કરતાં લાંબા સમય પછી બળતરાને અટકાવીને કોષોને થતાં નુકસાનથી પણ બચાવે છે જેના કારણે હૃદય સ્વસ્થ રહે છે.
રિસર્ચમાં દાવો કરવામાં આવ્યો છે કે કરમદાનું સેવન કર્યાની બે કલાકમાં જ તેની અસર શરીર પર જોવા મળે છે.
