વરિયાળી નો ઉપયોગ અને શરબત તરીકે થતો હોય છે. મોટાભાગે લોકો જમ્યા પછી વરિયાળી ખાવાનું પસંદ કરે છે. વરીયાળી માઉથ ફ્રેશનર તરીકે કામ કરે છે. પરંતુ શું તમે જાણો છો કે આ વરિયાળીમાં રહેલા પોષક તત્વો તમારા શરીરમાંથી અનેક બીમારીને દૂર કરી શકે છે ? જો તમે નથી જાણતા તો આજે તમને જણાવીએ કે વરિયાળી અને સાકરને મિક્સ કરીને ખાવાથી શરીરને કેટલી બીમારીઓથી મુક્તિ મેળવી શકાય છે.
વરિયાળીમાં કાર્બોહાઈડ્રેટ, ફાઇબર, પ્રોટીન, કેલ્શિયમ, ફોસ્ફરસ, વિટામિન એ, વિટામિન સી, વિટામિન ડી, વિટામિન કે, થાયમીન જેવા તત્વો હોય છે. વરીયાળી ની તાસીર ઠંડી હોય છે. વરિયાળીનું સેવન કરવાથી મોઢામાંથી આવતી દુર્ગંધ થી સુરત છુટકારો મળે છે.
વરિયાળી અને સાકરને સાથે ખાવાથી શરીરને જરૂરી પોષક તત્વો મળે છે. આ વસ્તુઓ ખાવાથી મોઢામાંથી આવતી દુર્ગંધ દુર થાય છે. અને મોઢું તાજગી ભર્યું રહે છે. વરિયાળી ખાવાથી મોઢું સ્વસ્થ પણ રહે છે. તેના કારણે દાંત અને પેઢાની સમસ્યા દૂર થાય છે.
વરિયાળી અને સાકરનું સેવન હાર્ટ માટે પણ ફાયદાકારક છે. વરિયાળી માં રહેલા પોષક તત્વો શરીરમાંથી બેડ કોલેસ્ટ્રોલને ઘટાડે છે અને ગુડ કોલેસ્ટ્રોલને વધારે છે. વરિયાળી અને સાકર સાથે ખાવાથી હૃદયની કાર્યક્ષમતા વધે છે.
સાકર અને વરિયાળી ખાવાથી મગજ ને પણ લાભ થાય છે. વરિયાળીમાં હીલિંગ ના ગુણ હોય છે જે મગજના જ્ઞાનતંતુ ને સ્વસ્થ રાખે છે અને મગજ સારી રીતે કાર્ય કરી શકે છે.
વરીયાળી અને સાકર ખાવાથી લોહી પણ શુદ્ધ થાય છે. આ બન્ને વસ્તુ ખાવાથી લોહી ને લગતા વિકાર પણ દૂર થાય છે. વરીયાળી અને સાકર રક્તને શુદ્ધ કરે છે અને રક્ત સંબંધિત સમસ્યાઓથી રક્ષણ કરે છે.
સાકર અને વરિયાળી ખાવાથી પેશાબ સંબંધી સમસ્યાઓ પણ દૂર થાય છે. વરિયાળી ખાવાથી પેશાબ વધારે આવે છે જેના કારણે શરીરના ઝેરી તત્વો પેશાબ વાટે બહાર નીકળી જાય છે.
એક રિસર્ચ અનુસાર વરિયાળી અને સાકર ખાવાથી કેન્સર જેવી જીવલેણ બીમારીથી પણ બચી શકાય છે. વરિયાળીમાં કેન્સરમાં કોષને અટકાવતા ગુણ હોય છે જે કેન્સર અને શરીરમાં વધતું અટકાવે છે. સાથે જ તેનાથી રોગ પ્રતિકારક શક્તિ પણ વધે છે.
મહિલાઓને માસિક ધર્મ સંબંધી સમસ્યા હોય તો વરીયાળી અને સાકર ખાવી જોઈએ. વરીયાળી અને સાકર ખાવાથી માસિક ધર્મ સમયે થતો દુખાવો, વંધત્વ ની સમસ્યા દૂર થાય છે. વરીયાળી અને સાકર ખાવાથી સ્તનપાન કરાવતી સ્ત્રી ને દૂધ પણ વધે છે.
પેટ સંબંધી કોઈપણ સમસ્યા હોય તો વરીયાળી અને સાકર ખાવાથી સમસ્યા દૂર થાય છે. કબજિયાત, મરડો, ગેસ, એસિડિટી જેવી તકલીફોને વરિયાળી અને સાકર ઝડપથી દૂર કરે છે.
જે લોકોને ભોજન પ્રત્યે અરુચિ રહેતી હોય અને ભૂખ ન લાગતી હોય તેણે સાકર અને વરિયાળી ખાવી જોઈએ તેનાથી ભૂખ વધે છે અને ખોરાક લેવામાં મદદ મળે છે.
