આજ સુધી તમે દૂધવાળી ચા સિવાય ગ્રીન ટી, બ્લેક ટી અને આઇસ ટી વિષે સાંભળ્યું હશે અને કદાચ પીધી પણ હશે. પરંતુ તમને વાઈટ ચા વિશે ખબર છે ? નથી જાણતા તો આજે તમને જણાવીએ કે વાઈટ ચા કેવી રીતે બને છે અને તેનું સેવન કરવાથી કયા કયા લાભ થાય છે.
વાઈટ ચા દરેક પ્રકારની ચા કરતાં વધારે ફાયદાકારક છે. કારણ કે તેમાં કેફીનની માત્રા ખૂબ જ ઓછી હોય છે. જેના કારણે તેનું સેવન કરવાથી ફાયદો થાય છે.
બ્લેક ટી ની સરખામણીમાં white tea ખૂબ જ પૌષ્ટિક હોય છે. તેમાં કેમેલીયા પત્તા નો ઉપયોગ કરવામાં આવે છે. તેનો ઉપયોગ કરવાથી ડાયાબિટીસ, મોઢાની તકલીફો, ત્વચાની સમસ્યા વગેરે દૂર થાય છે. આ ચા પીવાથી કયા કયા રોગમાં ફાયદો થાય છે ચાલો જાણીએ વિગતવાર.
1. હૃદયરોગ આજના સમયમાં સામાન્ય ફરિયાદ થઈ ગઈ છે. નાની ઉંમરમાં લોકોને હૃદયરોગ થઇ જતા હોય છે. તેવામાં આ ચા પીવાથી હૃદય રોગની સમસ્યા દૂર થાય છે. આ ચામાં એવા તત્વ હોય છે જે બેડ કોલેસ્ટ્રોલનું લેવલ ઘટાડે છે જેના કારણે હાર્ટએટેક આવવાની સંભાવના ઓછી થઈ જાય છે.
2. આ ચામાં એન્ટિબાયોટિક તત્વો પણ ભરપૂર હોય છે. તેનાથી ડાયાબીટિસની સમસ્યાથી પણ મુક્તિ મળે છે. તેમાં રહેલા તત્વો શરીરમાં ગ્લુકોઝ લેવલ અને વધવા દેતા નથી જેના કારણે ડાયાબિટીસની સમસ્યા દૂર થાય છે.
3. આ ચા પીશો તો વધતી ઉંમરની અસર અટકી જશે. તેનું સેવન કરવાથી વધતી ઉંમરની અસરને અટકાવી શકાય છે. જ્યારે શરીરમાં કોલેજોન યોગ્ય રીતે કામ કરતું નથી ત્યારે ત્વચા પર તેની અસર દેખાય છે. તેવામાં આ ચા પીવાથી તેમાં રહેલાં એન્ટિઓક્સિડન્ટ તત્ત્વો ત્વચા પર વધતી ઉંમરની અસરને દેખાવા દેતા નથી.
4. વધતા વજનની સમસ્યાને પણ આચા દૂર કરે છે. ભોજનની અનિયમિતતાના કારણે વજનમાં વધારો થયો હોય તો આ ચા પીવાથી આ સમસ્યા દૂર થાય છે. આ ચા પીવાથી વજનમાં થતો વધારો અટકે છે.
5. આ ચમ એવા તત્વ હોય છે જે શરીરની રોગપ્રતિકારક શક્તિને વધારે છે. શરીરમાં સોજા ની સમસ્યા હોય તો તેને પણ આ ચા દૂર કરે છે. નિયમિત રીતે જે વ્યક્તિ આ ચાનું સેવન કરે છે તે લાંબા સમય સુધી બીમાર પડતી નથી.
6. સ્ટ્રેસના કારણે ઘણાં લોકોને રાત્રે ઉંઘ આવતી નથી. જેના કારણે તેઓ મોડે સુધી જાગે છે. અને દિવસ દરમિયાન પણ શરીરમાં આળસ રહે છે. આ ચા પીવાથી આ બંને સમસ્યા દૂર થાય છે. તેનાથી ઊંઘ પણ બરાબર સમયે આવે છે અને દિવસ દરમિયાન શરીરમાં સ્ફૂર્તિ જળવાઈ રહે છે.
